كان ياما كان

 كان ياما كان

بقلم / سهام ميلاد

كله راح فى كان ياما كان

كل مانسأل على حاجة يقولك كان زمان

فين الحجات الحلوة والخير والبركة كان زمان

فين الهدوء و الشوراع المتزينة بالشجر كان زمان

فين الفسح و الرحلات و اللمة كان زمان 

فين الزيارات و العيلة تتجمع فى المناسبات

كان زمان 

فين لمة العيلة حوالين التليفزيون نتفرج على أفلام و برامج جميلة كان زمان 

فين الفرحة و الضحك من القلب مع الأصحاب كان زمان

فين القاعدة فى حوش البيت أو السطح مع الجيران كان زمان

تليفون البيت ما يبطلش رن أخواتك والعائلة تطمن عليك

كان زمان 

فين الناس اللى بتحبك و فى وسطيها عايش بأمان كان زمان

حتى الإنسان ما بقاش زى زمان 

كل شئ أتغير حتى الإنسان

راح الخير و البركة والجمال و الفرحة و اللمة و الجيرة الحلوة و الأمان و راحت الإنسانية من الإنسان

كله راح فى كان ياما كان