سهام ميلاد تكتب/ فى عيد الحب
الحب مش محتاج عيد
طول ماقلبك مليان حب ديما هتبقى سعيد
و كل يوم عندك هيبقى عيد
و في عيد الحب بهديكم أجمل وردة وقول بحبكم بس للتأكيد
و ميقتصرش إحساسك بالحب لواحد من الناس
قول بحبك لكل الناس
حب الناس حب الطير حب الخير حب المطر حب الشجر حب النور
حب الزهور حب الحب حب وخلاص
حب من كل قلبك حب بإخلاص
بالحب كل شئ هيبقي أجمل
بالحب الدنيا أجمل وأجمل
بالحب ننسى و نسامح كل الي كان مضايقك إمبارح
ولو متعرفش تحب وهقولك بحبك هتفتكره لفظ جارح
وفي عيد الحب بنادي علي الحب يجينا
بالحب نحقق كل أمانينا
وبقول بحبكم يا أجمل أصحاب يا أجمل جيران يا أجمل عيلة
دى الحياة منغير ناس تبقي صحرا
والناس منغير إحساس تبقي صخرة
والحب هو أجمل إحساس يربط بين الناس
والناس بالحب تحب الحياة
يعني الحب هو الحياة
وكل عيد حب وإحنا طيبين و ديما بالحب مرتبطين
