شعور الحزن والندم
كتب / طلبه عبدالكريم الجازوى
الحزن والندم شعورين طبيعيين بيجوا لأي حد مر بتجربة صعبة في حياته. اوقات بنحب حد بصدق، نهتم بيه، نسهر عشانه، وندي له كل ما نقدر، لكن في الآخر نحس إنه مش مقدّر ولا حاسس هنا بييجي شعور الحزن، لأن القلب تعب، والروح كانت مستثمرة في حد مش قادر يبادلك نفس الحب.
مع الحزن بييجي الندم، وده الإحساس الصعب اللي بيخليك تفكر: "ليه ضيعت وقتي وطاقتي؟" أو "ليه أهتميت بشخص مش يستاهل؟" وده طبيعي جدًا، لأن الإنسان دايمًا بيحاسب نفسه بعد أي تجربة مؤلمة.
لكن الندم مش معناه إنك غلطت في الحب أو الاهتمام. الحب فعلًا شيء جميل، والعطاء شيء اجمل، لكن المشكلة لما يكون غير متوازن… لما نعطي ونستنزف نفسنا على حد مش حاسس بينا.
الدرس المهم هو أننا نتعلم وضع الحدود، وحماية مشاعرنا. مش كل من نحب يستاهل كل طاقتنا ووقتنا، ولا كل من نهتم بيه قادر يقدّرنا. الاهتمام بنفسك أولًا هو أساس الشعور بالراحة والسلام الداخلي. لما تحب نفسك وتقدّرها، هيبدأ قلبك يتعافى من الحزن، ويقل شعور الندم تدريجيًا.
واخيرا ، شعور الحزن والندم مش نهاية العالم، لكنه تذكير جميل لنا أننا نستحق من يحبنا ويقدّرنا بصدق، وأن نحتفظ بقلوبنا وأيامنا للناس اللي فعلاً تستاهلها متضيعش وقتك مع حد ميستاهلش ولا حد مش بيحس بيك
شعور الحزن والندم